هذا ماحدث مع اعضاء شباب اليوم فى مظاهرة 27 يناير
شباب اليوم
2011-01-28, 12:17 AM   #1
الكاتب MOODY


السلام عليكم ورحمة الله وبركاتة

النهاردة ياجماعه كان يوم مش عادي خاااااالص
احنا كالعادة الحمدلله مشاركين فى كل المظاهرات ووقفات الاحتجاجية ضد الفساد والظلم ،،

يوم 25 طلعنا طبعا مع المظاهرات فى الاسماعيلية ودي كانت الصور اللى صورتها بكاميرة الموبايل
http://vb.shbbab.com/showthread.php?t=91753

المشاركين
احمد عبدالله (الكبير اوووى- مروان )
محمود عبادى ( مودى)
احمد عبادى (ألجينرال - فهد )
محمد الامير (جولد ميرو - ميرو )


النهاردة طلعنا عادي زي كل يوم صحيت على 11 كدا لقيت ميرو جايلى البيت وكله همه ونشاط وبعده مروان و فهد كان فى البلد هناك
المهم شربت الحلبة طبعا بتفأل بيها هههههههه وطلعنا ،
مروان كان جايب علب الوان حيطان علشان ندهن بيها وشنا
بس كان ليها استعمال تاني يعنى

المهم نزلنا البلد وكانت المظاهرة فى منطقة اسمها المثلث (الممر)
اخدنا تاكسى ورحونا هناك لقينا قوات امن مركزى وقوان مكافحة شغب كتير جداااااا ودي الصور من هناك


ماحدث اعضاء شباب اليوم مظاهرة 1327266346_676.jpg

ماحدث اعضاء شباب اليوم مظاهرة 1327266342_217.jpg

ماحدث اعضاء شباب اليوم مظاهرة 1327266336_643.jpg

عربيات الشرطة والامن والترحيلات فى كل مكان ، اعداد رهيبة

ماحدث اعضاء شباب اليوم مظاهرة 1327266347_170.jpg

المهم احنا روحنا من شارع تاني بس فجأه مالقتش مروان وفهد كان موجود فى وسط الناس دى

ماحدث اعضاء شباب اليوم مظاهرة 1327266321_290.jpg

هههههههههه تخيلو المنظر عامل ازاي شايفين السواد اللى حواليهم بس ماكنش فى مكان للخووف

ماحدث اعضاء شباب اليوم مظاهرة 1327266320_417.jpg

ماحدث اعضاء شباب اليوم مظاهرة 1327266351_227.jpg

والهتافات تتعالى
(الشعب ــــــــ يـريــد ـــــ اســقــــــاط النظااام)
كان فى حوالى 3 تجمعات زي دي
الامن طلع زكي وفرق المتظاهرين عن بعض بعمل كورديونات حول المتظاهرين

ماحدث اعضاء شباب اليوم مظاهرة 1327266323_858.jpg

المهم حاولنا ندخل معاهم بس ماعرفناش الظباط والامناء شرطة كل اللى نقوله عايزين نتظاهر معاهم
اللى يقولنا روحو اتغدوا واللى يقول روحوا ذاكرو احسن
المهم جمعنا عدد كبير علشان ندخل وسطهم
بس كل المحاولات فشلت ،، لقينا ناس عامله مجموعة وفي فتحات وسط الامن المركزى وعرفنا ان احنا ندخل فى وسطهم
دخلنا والمجموعة دي كبرت جدااا وبدأت تتحرك الى الشارع الرئيسي والامن المركزى بيتحرك معاها والمظاهرين
يرفعوا الصوت الله اكبر الله اكبر

طبعا الوضع مش مطمن لقوات الامن ،، راحوا استعدوا عربيات تدعيم
وعربيات تفريق المظاهرات بالمأء
ماحدث اعضاء شباب اليوم مظاهرة 1327266334_984.jpg

ماحدث اعضاء شباب اليوم مظاهرة 1327266325_801.jpg

ماحدث اعضاء شباب اليوم مظاهرة 1327266355_496.jpg

المظاهرة طلعت فى الشارع الرئيسي والعدد كبر
بس عدد قوات الامن كان بيزيد كل شوية (مش عارف بيجبوهم منين دول)

ماحدث اعضاء شباب اليوم مظاهرة 1327266354_987.jpg

بعد الخروج من الكورديون وزيادة عدد المتظاهرين
قامت قوات الامن بعمل مناورات من الشوارع الجانبيه وتشكيل حلقات على المتظاهرين مع الاعتداء عليهم طبعا واعتقالهم

ماحدث اعضاء شباب اليوم مظاهرة 1327266338_279.jpg


وتم استعمال من قبل قوات الامن عصا كهربائية لشل حركة المتظاهرين و اسبيراه فلفل
ورشة على عيوون المظاهرين واليكم الصورة التى توضح ذالك وهذه الاشاء محرمة دولياً

ماحدث اعضاء شباب اليوم مظاهرة 1327266344_918.jpg




ماحدث اعضاء شباب اليوم مظاهرة 1327266328_622.jpg

ماحدث اعضاء شباب اليوم مظاهرة 1327266329_197.jpg
ماحدث اعضاء شباب اليوم مظاهرة 1327266331_790.jpg

ماحدث اعضاء شباب اليوم مظاهرة 1327266333_251.jpg



اشتدت حالة الغضب من المظاهرين وحدثت اشتباكات عديدة وااعتقلت قوات الامن المزيد
شباب وبنات

ماحدث اعضاء شباب اليوم مظاهرة 1399122383421.gif

ماحدث اعضاء شباب اليوم مظاهرة 1327266352_314.jpg

وتم اعتقال مودى ترحيلي الى معتقل عز الدين


ماحدث اعضاء شباب اليوم مظاهرة 1327266346_676.jpg
==========================================
دخلت عربية الترحيلات كنت ممسوك من 4 قوات الامن وعدد المعتقلين وصل الى 80 معتقل من المظاهرات عند الممر وميادين وشوارع اخرى فى المدينة

دخلت العربية لقيت ناس مغمى عليها واللى وجهه احمر أحمراار شديد من مفعول اسبيريه الفلفل

المهم العربية طلعت من الممر وكان معايا فى العربية
مهندس ومحامى ودكتور بيطرى وشباب جامعات و اخوان مسلمين

قولنا هياخدونا على قسم شرطة مثلا ويحققوا لقيناهم طلعوا على معتقل عز الدين ماحدث اعضاء شباب اليوم مظاهرة 2.gif

طبعا الناس خافت بس الحمدلله ربنا الهمنا الصبر نزلنا فى المعتقل
كان عددنا 15 فرد ،،
اخدوا البطايق والموبايلات واسامينا
وكل واحد اتفتش تفتيش زاااتى ودخلونا عنبر
المهم الاحداث سخنت جامد فى اسماعيليه بعد الاعتقالات وتم احراق قسم شرطة الشيخ زايد واعتصام المتظاهرين فى الميادين من اجل الافراج عن المعتقلين

الحمدلله كانت فى ناس عاقله جداا و الناس اتحلت بالصبر


كان اذان العصر بيأذن ،، كلنا اتوضينا وصلينا العصر ورا شيخ من الاخوان المسلمين
وقعدنا مع بعض نتكلم عن مصر والاحداث اللى بتحصل فيها
الدكتور اللى من الاخوان كان خبرة فى الحجات دي ههههههههه

المهم فضل يقولنا ياجماعه ان شاء الله خير المهم نحافظ على المكان اللى احنا فيه ده
ونشيل القمامة بعد ما ناكل وكدا وكل واحد عليه دورية كل يوم فى الاكل والصلاة
هههههههه احنا قولنا فل شكلها مطوله
وفضل بقى يتكلم عن الجهاد فى سبيل الله وبصراحة انا ارتحت من جوايا وحسيت انى صوتى طلع مابقتش بخاف من اي حاجة خلاص بعد ماقعدت فى عنبر المعتقلات ودخلت لانى بتظاهر من اجل بلدى وبدافع عن حقوقى ،،،

اتعرفنا على بعض واخدنا ارقام وايميلات بعض وفى ناس على فكرة منهم هيدخلوا شباب اليوم ان شاء الله النهاردة وبكرا ،،

باب المعتقل دق ! ،، لقينا عساكر جايه بحلة عدس و3 علب جبنه وعيش ابيض ماحدث اعضاء شباب اليوم مظاهرة 2.gif

قعدنا وفرشنا اكلنا وبصراحة العدس كان جامد اووووى عايز اروح تانى عشان اكل منه

اتكلمنا كتييييييييييييييير بعد كدا عسكرى دخل ومعاة بطاطين
قولنا تمام القعدة شكلها فيها اسبوووع على الاقل

سلمنا امرنا لله بالدعاء ،،،

بعد كدا صلينا العشاء على الساعه 8
كله دخل اتوضا وصلينا واحنا فى الركعه الاخيرة ،، فضلنا ندعى كتييييير ،،
اللهم فك كربنا والحمدلله اثناء السجود
كان رئيس مباحث الاسماعيليه بيفتح باب الزنزانه ،، سمعناه صوته وهوا بيقول سبوهم يصلوا ،،، خلصنا صلى والحمدلله
اتفجأنا وهوا بيقول يالا ياجماعه علشان هتخرجوا

طلعنا واخدنا حاجتنا ،، اتصلت بأحمد اخويا
قالى انهم معتصمين فى ميدان المثلث علشان نخرج الناس اللى اعتقلت والحمدلله
ماكنش فى حل غير انهم يطلعونا علشان يفضوا الاعتصامات دي
انا بصراحة روحت على الممر تاني علشان لو فى حاجة ماحدث اعضاء شباب اليوم مظاهرة 23.gif
بس كان الاعتصام خلص رجعنا البيت والحمدلله
ونازلين بكرا كلنا بعد صلاة الجمعه ومش هنسكت ،،
وبجد اتعلمت من الكام ساعة اللى فى المعتقل ده
حجات كتير اووووى ،، وكفاية انه كسر حاجز الخوف اللى جواانا
،، مروان كان اتاخد فى امن الدوله هوا وناس بس الحمدلله قدر انه يهرب ومشيوا



أقرأ ايضاً توفيق عكاشة عميل اسرائيلي , توفيق عكاشة صهيوني !
ازاي ابقي بطل كمال اجسام , ازاي اعمل فورمة كمال اجسام ! , هنا الاجابة
افضل طرق تخسيس البطن والجناب من الدهون 2015



هذا ماحدث مع اعضاء شباب اليوم فى مظاهرة 27 يناير


التعديل الأخير تم بواسطة MOODY ; 2012-01-22 الساعة 11:10 PM
 
2011-01-28, 12:37 AM   #2
الكاتب الحورية


ايه الاحداث الجامدة اوي دي
ربنا يحميكم يا شباب والله انكم رجالة بجد
يا كده الرجالة يا بلاش
جدع يا مودي انت ومروان والشباب كلهم والله اثبتو انكم مصريين وشجعان بجد
بعدين السجن للرجااااااااااااااااااااااااااااااالة معروفة دي
ربنا معاكم يا رب
انا فرحانة اوي بيكم والله وفخورة


أقرأ ايضاً



 
2011-02-02, 12:29 PM   #3
الكاتب MOODY


شكرا حورية على المرور
وهوا ماكنش سجن كان اعتقال بس مدة بسيطة بسبب الاعتصام اللى عملوه الشباب عشان اخرج
نورتى التوبيك
أقرأ ايضاً توفيق عكاشة عميل اسرائيلي , توفيق عكاشة صهيوني !
ازاي ابقي بطل كمال اجسام , ازاي اعمل فورمة كمال اجسام ! , هنا الاجابة
افضل طرق تخسيس البطن والجناب من الدهون 2015



 
2011-02-02, 12:50 PM   #4
الكاتب ROONY


والله بجد حاجة تفرج
خرجنا من عقدة الخوف خلاص
الله يحميكم يا شباب
بجد ربنا يحفظك محمود

أقرأ ايضاً مجموعة صور منوعة من تجميعى ,صور من تجميعى 2015
صور أطفال كيوت جديدة 2015 ,حصرى صور اطفال كيوت 2015
مسجات مصرية للتهنئة بالعيد 2014, رسائل التهنئة بالعيد2015



 
2011-02-02, 01:39 PM   #5
الكاتب racha


الحمدالله انكم طلعتو منها سااالمين لانى كنت بتاابع الاخبااار وخفت عليكم كثير الحمدالله ربنا ستر...
أقرأ ايضاً معا لاحياااء الامل..
ابداااع المصمم اللبنانى* الي صعب*
لعشااق الالوااان*ابداع مصممه ايطاليه*



 
2011-02-02, 01:46 PM   #6
الكاتب ضئ القمر


انا بحس فيك يا مودى روح الشباب وبالذات الصورة اللى انت حططها عجبانى اوى بجد كل ما اشوفك بحس انى لسة فى رجالة بجد بتفاءل بيك وسالت ساسو عليك وزعلت لما عرفت انك اعتقلت بس يلا الاعتقال للرجالة هههههههههههههههه المهم انك عملت اللى فى دماغك ووقفت قصاد اى حاجة رجال يا مودى من يومك وبرضه عجبانى الصورة بس سؤال ليه حطط البتاع على بوقك

أقرأ ايضاً ابى اغلى ما املك ، قبلة ع الجبين
ها هو الاعلام ، كلام من الفضائيات
هذا هو الفرق بين فيلكس وهاجيتش المسلم



 

الكلمات الدلالية (Tags)
مايحب, مظاهرة, اليوم, اعضاء, يناير, شباب

أدوات الموضوع
انواع عرض الموضوع


مواضيع ذات صلة مع هذا ماحدث مع اعضاء شباب اليوم فى مظاهرة 27 يناير
صور اعضاء منتديات شباب اليوم من قسم الترحيب بالاعضاء والتهاني والمناسبات
صور مظاهرات 25 يناير فى الاسماعيلية ، فيديوهات مظاهرة 25 يناير من قسم صور جديدة 2014 - صور رومانسية 2014
صور مظاهرة مصر 25 يناير ، اخبار مظاهرة مصر 25 يناير من قسم الاخبار العربية - رياضة , سياسة , سينما
اعضاء شباب اليوم الجمعه 18 \11 \2015، اعضاء شباب اليوم مليونيه تسليم السلطه 18\نوفبر من قسم اخبار موقع ومنتديات شباب اليوم
10 اعضاء متميزين فى شباب اليوم من قسم منتدي المواضيع العامة والنقاش
الساعة الآن 04:39 PM

Powered by vBulletin®Copyright ©2000 - 2014
جميع الحقوق محفوظة لمنتديات شباب اليوم 2013-2014-2015-2016-2017
المواد المنشورة فى موقع شباب اليوم لاتعبر بالضرورة عن وجهة نظر الإدارة وإنما تعبر عن وجهة نظر كاتبها