SROking أفضل وأسهل بوت مجانى للعبة حتى الآن مع الشرح
شباب اليوم
2009-07-03, 12:11 AM   #1
الكاتب امير الظلام


بــــــــسم الله الراحــــمن الرحيـــــــم

يا جماعه انا النهارده هشرح SROking
وانا بشرح البوت هحاول اكون مبسط فى الشرح و يارب الموضوع يعجبكم

ظهرت المعجزه Sro King انا مش هتكلم اد ايه البوت سريع ومش هقؤلك انك مع البوت ده مش هتحتاج اى برنامج اخر ولاه تقؤلى لودر ولاه SrProxy ولاه nuConnector ومش كده وبس انت بتشغل اللعبه من الكلينت الاصلى وبدوس على كلمه استارت كائنك بتشغل اللعبه عادى خالص وكمان مش هؤلك انك فى اختلاف كبير جدا فى سرعه اللعبه هيحصل على جهازك لما تشغل اللعبه ب sro king مش هؤلك انسى الاج الى مشاء الله مش هقؤلك اى حاجه من الحاجات ديه بس انا هقؤلك حاجه وحده بس روح اى حته فى اى مدينه و بوت هناك وسيب البوت لحد لما السلاح يبوظ او البورات تخلص عارف البوت هيعمل ايه هيرجع المدينه يشترى بورات و يصلح السلاح وهيرجع نفس المكان لوحده ايوه لوحده من غير اى حاجه توماتيكي يا معلم يعنى بجد انت هتكون بوت 24 ساعه فى ال 24 ساعه ولاه تؤلى اسكربت ولاه تؤلى مش عارف ايه اى حته حتى لو كنت بتعمل تكسى يا جدعان انا بقؤل روح اى حته و بوت وبعد كده متفكرش خش نام ^^

عشان كده انا هبداء من الصفر عشان الناس الى معندهاش خلفيه والناس الى عارفه البوت خليك معايا يمكن اقدر اضيف معلومه جديده لحضرتك ..

اولا طريقه الدخول والتسجيل و فتح اكثر من اكونت

1- انت هتنزل البوت من هــــــــــــــنا
2 - بعد م تفك الضغط هتشغل البوت من هنا
SROking أفضل وأسهل مجانى للعبة 79227489.jpg
3-هتجيلك الصوره ديه
SROking أفضل وأسهل مجانى للعبة 99409675.jpg

4-بعد كده اكتب الاميل والباس ورد الى انت عملتهم على موقع البوت وياريت يكون الباس ورد الى انت اخترته مش زى الباس بتاع اللعبه عشان الاحطياط وبعد كده دوس log in

5- هتجيلك صفحه بتقؤل لقد تم الدخول بنجاح دوس على كلمه close وهنــا ركز معايا لو انت عاوز تفتح اكونت واحد بس دوس على كلمه start هتجيلك اللعبه عادى خالص شغلها .... ولو انت عاوز تفتح اكتر من اكونت سيب البوت خالص وخش على فولدر اللعبه وشغل اللودر وبعد ما تخش بلودر ممكن تفتح اكونت تانى وتالت كمان

ثانيا شرح اعدادات البوت من الداخل

SROking أفضل وأسهل مجانى للعبة 94954273.jpg

1- لو انت عاوز البوت يتجاهل وحوش معينه مثل الجاينت او البارتى او الجينت بارتى

2-ديه اول اسكله انت بتهجم بيها خد بالك انى سعات البوت بيكون بطيىء لما بتستخدمها عشان الضربه بتكون لسه بتحمل عشان كده اختار ضربه سريعه بتحمل فى 3 ثوانى بس// واحسن حاجه خالص انك تسيبها ومتحطش فيها حاجه كده هيكون اسرع بكتيييييير

3- ديه الامبو بتعتك لو انت صينى ( سيف التلج /النار /الكهربه )

4- ديه برضه حاجه مهمه جدا وبتفرق فى السرعه ديه عشان لما يتلم عليك وحوش كتير يضرب الوحش الى دمه قليل الاول وبعد كده يخش فى الى دمه اعلى مثال هجم عليك وحش عادى و وحش شامبيون و جاينت لو انت كنت معلم عيها هيعمل الاتى هيضرب الوحش العادى الاول و بعد كده الشامبيون وبعد كده الجينت اما لو انت مش معلم عليها هيعمل العكس نصيحه منى لو انت str بلاش تعلم عيها عشان وعبال لما تموت الوحش الصغيره هيكون ناس كتير بتكس عليك فى الجينت وكمان كل شويه هيسيب الجينت ويروح يضرب الوحوش الصغيره الاول عشان كده الناس بتقؤل انى البوت بيلم الوحوش عليه اما لو انت int ف على حسب مدى قوه استحمال شخصيتك وانت وحريتك

5- ديه عشان تظبط التحول الشيطانى (الزرجنه ) او الشيطنه على حسب لهجتك

6- ديه عشان تختار الاسكيلات الى البوت بيهجم بيها

7- ملهاش لزمه ومش مهمه ومتعلمش عليها بس انا هقؤلك ديه بتاعه ايه عشان تكون فى الصوره ديه المفروض انها ضربات للطوارىء بس // يعنى لما يهجم عليك جاينت او برتى يستخدمها بس هيه مش بتنفع كل الشخصيات بس لو انت عاوز تستخدمها حط ضربه وحده بس فيها مثلا لو انت staff حط اسكيله التبعيده الى بتبعد الوحوش او البتوقف هجوم الوحش بس سعات مش بتنفع مع كل الشخصيات عشان كده يستحسن انك تحط ضرباتك كلها فى رقم سته وتنفض لرقم سبعه عشان البوت يكون اسرع

8- ديه فيها شقين الشق الاول لو انت صينى وسلاح اتكسر ومعاك سلاح احطياتى عاوز تشتغل بيه علم على weapon break
الشق الثانى ل الاروبى علم عليها وحط سلاح البف فى المربع الثانى فى الشنطه وتكون انت ماسك السلاح الاساسى عشان يغير السلاح الى البارد او الكلريك لما الفات بتعتهم تخلص ويرجع تانى يمسك نفس السلاح بس فى حاجه هتعملها تانى هقؤلك عليها بعدين



ديه مش محتاج شرح ديه عشان البورات بتعتك وهنشرحه بسرعه مع بعض
SROking أفضل وأسهل مجانى للعبة 16226021.jpg


1- لو انت لسه كركتر صغير من 1 الى 10 وطبعا ديه ملهاش اى لزمه

2- ده hp بتحدد على حسب الى تناسب مع شخصيتك وتحتيها تختار حجم الدواء الى عاوزه يستخدمه

3- ده mp بتحدد على حسب الى تناسب مع شخصيتك وتحتيها تختار حجم الدواء الى عاوزه يستخدمه

4- ده الفيجور

5- ديه عشان بورات فك السموم علم عليها والى تحتيها سيبك منها ديه بتعمل اتو هل لو انت كليرك ومعكش فك سم

6- ديه البلاك ليست العيال الرخمه حطها فى القائمه ديه

ديه عشان البفات بتعتك

SROking أفضل وأسهل مجانى للعبة 22968059.jpg

1- كل البفات الى عندك
2 - البفات الى عاوز البوت يستخدمها لما يروح لمكان الى انت مبوت فيه هتلاقيه قبل ما يخرج من المدينه بف نفسه البفات ديه وبعد كده هيخرج من المدينه لمكان الى انت محدده وهقؤلك ازاى بعد كده يروح بالحصان
3- ديه البفات الى انت بتستخدمها وانت بتهاجم الوحوش وعادى ممكن يكون فى بفات فى 2 و 3 مع بعض مفيش مشكله



ديه الحجات الى البوت يلمها وركز معايا هنا عشان تعرف تضبط البوت ظبطه حلوه
SROking أفضل وأسهل مجانى للعبة 41768026.jpg


1- ديه عشان الكركتر هو الى يلم الحجات لو انت معندكش ارنب

2- ديه لو علمت عليها هيلم كل حاجه ومش هيسيب اى حاجه على الارض طبعا حاجه خنقئه

3ديه بئقه اهم حاجه علم عليها وبعد كده دوس على كلمه loot sitting واختار الى انت عاوز تلمه والى انت مش عاوز تلمه مع ملاحظه الاتى

SROking أفضل وأسهل مجانى للعبة 89764354.jpg

انت بئقه ظبط على حسب ما انت عاوز انت ممكن تتدخل على الاحجار وتعملها ignor كلها علم على اى حاجه وخليك دايس shift وانزل بالسهم... وممكن تلم احجار معينه واحجار لا برحتك وكذالك فى الزباله ( سورى فى اللفظ ) وكذالك فى البورات ولاكسير وخد بالك الاكسير جو البوت اسمه intesifting elixier
عشان لما تجى تعمل سرش عنه جوه ال بوت

4- ديه عشان البوت يلم الجولد وبعد كده يضرب الوحش اما لو انت معلمتش عيها هيلم الجولد برضه بس بعد لما يموت كل الوحوش الى بتهجم عليه نصيحه لو انت str علم عليها ولو انت int برحتك

5- ديه لو انت معاك ارنب يلم

6- ديه حاجه جامده جدا علم عليهم كلهم عشان ديه اول لما يوقع صندوق او اكسير او سوس او صن البوت يلمهم او حاجه قبل حتى الجولد وحتى لو انت عامل الخصيه الى فى رقم اربعه يعنى لو انت مظيط البوت على انه ميلمش الجولد الا بعد لما يخلص ضرب كل الوحوش الى عليه بس لو نزل حاجه من الحاجت الى فاتت يلمها الاول او لما انت تموت جاينت برتى ونزل منه حجات كتير يلم الحجات ديه الاول وبعد كده يلم اى حاجه




ديه الحجات الى بيعملها البوت اول لما يرجع للمدينه استعدادا للبدا من جديد(L00p

SROking أفضل وأسهل مجانى للعبة 41607125.jpg

1- امتى يرجع المدينه

2- يرجع المدينه ازاى ( يضرب رساله عاديه / او رساله سريعه / او يرجع متو رجل ههههههه) طبعا علم على اول وحده

3- ديه انواع احجام البورات الى هيشتريها وعددها

4 ديه مهمه شويه دوس عليها واستنى شويه لما تحمل تجيلك الصفحه ديه

SROking أفضل وأسهل مجانى للعبة 74531766.jpg

زى ما انت شايف ديه فيها كل حاجه فى العبه السلاح الاروبى والصينى و اللبس الاروبى والصينى و المجوهرات الاروبى والصينى و الاكسير والزباله و الحجر الكميائى انت هتدوس كليك يمين على اى مجموعه وتختار لو انت عاوز تخزنها او تبعها و لو انت مخترتش حاجه خالص ومدخلتش على الصفحه ديه هتفضل الايتميز فى الشنطه وطبعا هتكون الشنطه مليانه على الاخر عشان كده ياريت تفضى مكان فى الخزنه عشان يحطلك فيها الايتميز الى هتؤعلك ( يارب تلاقى صن فى الخزنه ^^^)

5 ديه عشان يشترى بورات حياه الولف ( البور بتاع الوقت الاصفر)

6 - نفضلها وسيبها من غير اى رقم عشان كده انت بتحددله يكون معاه كام رساله فى الشنطه

7- ديه بتاعت رسايل السلك الى بترجعك للمكان الى انت ضربتها فيها سيبك منها

8-ديه علم عليها عشان البوت يرجع للمكان الى كان فيه بالحصان بدل ما يخدها متو رجل

9و10 - متعلمش عليهم بس انا هقؤلك دول بتوع ايه عشان دول مهمين تسعه عشان لو انت خسرت 10% من exp البوت هيرجع المدينه ومش هيبوت تانى وعشره انت بتحدد انه لما يموت كام مره فى وقت معين يفضل فى المدينه وميروحش يبوت تانى ( حته جامده على فكره ومش موجوده فى اى بوت تانى )


ديه عشان بورات الولف و الحصان علم على كله وظبط النسب بتعتك

SROking أفضل وأسهل مجانى للعبة 43091276.jpg


ديه صفحه خطيره جدا ركز معايا


SROking أفضل وأسهل مجانى للعبة 80437385.jpg



1- الاختيار الاول يقبل كل الدعوات للبارتى الى بتجيله طيعا البارتى ltp فقط / الاختيار الثانى يرفض كل الدعوات الى بتجيله لعمل بارتى / الاخيار الثالث عشان يبعت دعوات للناس الى حوليه


2- ديه بئقه عشان تسرع البروسيسور اظبتها زى ما فى الصوره بالظبط و ان شاء الله البوت مش هيهنج معاك

3- ديه لو انت اروبى علم عليها عشان يغير السلاح للبف ويرجع تانى يمسك السلاح الاساسى


ديه الخريطه وركز معايا
SROking أفضل وأسهل مجانى للعبة 71795584.jpg



1- ديه شيل منها علامه صح وابتدى حرك الخريطه بالموس عادى جدا زى خريطه اللعبه .

2- دوس على رقم اتين هتلاحظ انى الخريطه لونها بئقه غامق شويه دوس على المكان الى انت عاوز تروحه هيتحددلك دائره على حسب المساحه الى انت ضبتها فى البوت
3 اخرج على باب المدينه وشغل البوت هتلاقيه راح للمكان الى انت مضبطه فيه و بعد كده ابتدى يضرب لوحده
ملحوظه ديه مش حاجه اساسيه انت ممكن تروح بنفسك للمكان الى انت عاوز تبوت فيه بس لو انت كسول جدا زى حلاتى استخدم الخريطه


اختصارات البوت
End ديه الى بتظهر البوت وتخفيه
Home ديه الى بتظهر الخريطه وتخفيها

س/ج

س/هل البوت ديه مجانى ؟
ج/نعم مجانى

س/البوت ده بيسرق الاكونتات؟
ج/ كلام فارغ البوت نضيف واعمل اسكان بنفسك واتاكد وكمان انا منزله من موقع الشركه نفسها واى واحد بيتسرق بقؤل البوت هو السبب فى ناس كتبت موضيع بتقؤل انه اتسرق بسبب اللودر و بسبب البوت بغض النظر عن نوع البوت المشكله انى اللودر والبوت بريىء كبراءه الذئب من دم ابن يعقوب لكن هو منزل البوت او اللودر وفيه فيرس او قاعد فى سيبر مليان فيروسات ومش كده وبس ده ممكن واحد ابن حلال يعرف اسم الباس بتاعك من غير اى فيروس ببرنامج صغير جدا شرط انك تفتح اللعبه من على الجهاز الى هو منزل عليه البرنامج ده وعلى العموم ديه صوره الاسكان من على جهازى و ياريت كلكم تعملو اسكان زى كده عشان تتاكدو ا

SROking أفضل وأسهل مجانى للعبة 77788735.jpg


س/ازاى البوت بيعملloop؟
ج/ البوت بيعمل لوب لوحده انت كل الى مطلوب منك تظيط اعدادات البوت و روح المكان الى انت عازه يضرب فيه و بعد كده خش نام هو لما البورات تخلص او السلاح يبوظ او يموت بعد الشر هيرجع تانى لنفس المكان الى انت خليته يضرب فيه لوحده


س/ البوت ده فى عيوب او bugs؟
ج/ الصراحه اه هو فى عيب واحد بس انه هيلم hp , mp حتى لو انت ظبت البوت انه ميلمهمش بس انت هتحس بالمشكله ديه لو انت بتضرب وحوش بتزل حجم بورات غير حجم البورات الى انت بتشتريه لكن لو الوحش بتوقع نفس الحجم هتكون مصلحه ليك عشان كده كده البوت بيحط البورات فوق بعضها عشان يوفر مكان فى الشنطه

س/ بنفع افتح اكتر من اكونت وكلهم يكون مبوتين ؟
ج/ اه ينفع خش جو فولدر اللعبه و غير اى حاجه اسمها سيلك رود الى اسم اخر و سمى اللودر سيلك رود طبعا بالنجليزى silkroad
وبعد كده افتح البوت ودوس start اللعبه ههتفتح من اللودر و بعد كده افتح البوت تانى ودوس start تانى هتخش مره كمان باللودر والاتنين اكونت هيكونوا بوت والله يكون فى عون الرمات


س/ ليه البوت تقيل جدا على الجهاز بتاعى بالرغم انى فى ناس بتقؤل انه سريع جدا اعمل ايه اللعبه بتهنج مفيش حل ؟؟؟؟
ج/ بص يا صحبى انا كرت الشاشه الى عندى ATI وكمان انا عامل الجرفك جوه اللعبه على اقل حاجه و منزل NEW Direct X/netfarmwork بص كده يا مان انا بعمل ايه عندى فى الجهاز عندى و هوريك بالصور تابع معايا يا زميلى ..... اول حاجه بظبط اوبشن اللعبه زى كده

SROking أفضل وأسهل مجانى للعبة 94730741.jpg

و اعمل الحركه ديه قبل ما تشغل اللعبه

SROking أفضل وأسهل مجانى للعبة 27356022.jpg

انا عارف انك كده هتكبر الشاشه جدا و هتحس انى شكل الجهاز رخم بس معلش خليها عليك



و اعمل ديه بعد ما تشغل اللعبه


SROking أفضل وأسهل مجانى للعبة 32712480.jpg


SROking أفضل وأسهل مجانى للعبة 89051514.jpg


واعمل نفس الحركه للبوت برضه خليها على High لحد كده تمام واعمل بئقه الحته الى جيه ديه

SROking أفضل وأسهل مجانى للعبة 22903143.jpg

كده احنا سرعنا البروسيسور على اسرع حاجه وقل الحمل على كرت الشاشه


بص بئقه يا مان انا عوزك تشتغل على ويندوز xp /sp2
وفكك من اى نسخه فيها سيمزات ولاه كرستاله ولاه شمعدنا انا جربت كله وبصراحه رجعت تانى ل sp2عشان هيه الاسرع بوص كده على الجهاز عندى


SROking أفضل وأسهل مجانى للعبة 99771507.jpg

وده كرت الشاشه

SROking أفضل وأسهل مجانى للعبة 73920876.jpg
لو انت عندك البوت سريع يبقى خلاص متعملش الحاجات ديه بس لو لاحظت انى الجهاز بطيىء اعملها البوت ده بيحتاج جهاز امكانيته عاليا وعموما كرت الشاشه ati بيشتغل كويس مع البوت ده


يارب يكون الشرح عجبكوم وياريت لو فى سؤال انا تحت امركم لو انت قرات الموضوع ومستخسر ترد او تقؤل كلمه شكر او حتى تنقد الموضوع انا مش هزعل بس لو انت رديت عليا حتى لو بالنقد او بسؤال اكيد انا هفرح وان شاء الله انا متابع الموضوع وهحاول ارد على كل الاسئله ولو انت عند اى سؤال اسئلنى ومتكسفش منى انا تحت امركم


أقرأ ايضاً ديكورات جامدة اخر حاجة
كلمات سلبت عقلى !! فماذا ستفعل بك
هل تعلم انك لا تعلم؟
اذا ابتدأ الحزن ,,, فهل له من نهاية؟
عذرا ,,, فالصوره مقلوبه
لا الموت أبكاني ولا الفرح أضحكني
اسماء بعض مدن العالم ومعانيها



SROking أفضل وأسهل بوت مجانى للعبة حتى الآن مع الشرح

 
2009-07-21, 09:07 AM   #4
الكاتب ahmed_deba


شكرا يامان

أقرأ ايضاً



 
2009-07-21, 09:09 AM   #5
الكاتب ahmed_deba


الف الف شكرا على هذا البرنامج

أقرأ ايضاً



 
2009-07-24, 01:03 AM   #6
الكاتب aymanmartn


thank you all men

أقرأ ايضاً



 

الكلمات الدلالية (Tags)
للعبة, مجاني, أفضل, الأن, الشرح, وأسهل

أدوات الموضوع
انواع عرض الموضوع


مواضيع ذات صلة مع SROking أفضل وأسهل بوت مجانى للعبة حتى الآن مع الشرح
الشرح الكامل للعبة أمل الشعوب (rappelz)هي أول لعبةأونلاين معربة في الوطن العربي من قسم تحميل لعبة 2014 - تحميل العاب 2015
طفل يولد وإسمه مطبوع على خده ((سبحان الله)) من قسم صور غرائب 2014 - صور كوميدية 2014
لماذا نصلي ونسلم عليك ياحبيبى يارسول الله من قسم المـنتدى الاسلامي والـقرأن الـكريـم
الشرح الكامل للعبة أمل الشعوب (rappelz) أول لعبة MMORPG في الوطن العربي من قسم تحميل لعبة 2014 - تحميل العاب 2015
من أفضل وأسهل البرامج للتحويل بين أنساق الفيديو video convert master v7.9.5.1 من قسم تحميل برامج الكمبيوتر والانترنت
الساعة الآن 08:04 AM

Powered by vBulletin®Copyright ©2000 - 2014
جميع الحقوق محفوظة لمنتديات شباب اليوم 2013-2014-2015-2016-2017
المواد المنشورة فى موقع شباب اليوم لاتعبر بالضرورة عن وجهة نظر الإدارة وإنما تعبر عن وجهة نظر كاتبها